أعراض تلف جيربوكس الغسالة (الفوق أوتوماتيك)
- 1. الصوت العالي المزعج أثناء مرحلة العصر: إذا لاحظت صدور صوت خشونة
- أو صوت خبط عالٍ جداً أثناء دوران الحلة بسرعة فهذا يدل غالباً على تآكل الأجزاء الداخلية للجيربوكس أو تلف رمان بلي
- 2. تسريب المياه أسفل الغسالة: من أهم أعراض تلف الجيربوكس هو تلف مانع التسريب مما يؤدي إلى نزول المياه مباشرة على أجزاء الموتور والسير وتلاحظ وجود مياه تحت الغسالة بعد التشغيل.
- 3. حلة الغسالة لا تدور في اتجاه واحد: أثناء الغسيل قد تجد الموتور يعمل والسير يتحرك لكن حلة الغسالة لا تتحرك بالشكل السليم أو تلف المروحة في اتجاه واحد بينما الاتجاه الآخر ثقيل أو متوقف وده معناه قفش أو تلف في تروس الجيربوكس
- 4. ثقل أو قفش في حركة الحلة يدوياً: لو فتحت باب الغسالة وحاولت تحريك الحلة بإيدك وهي فارغة ولقيتها قفشة أو بتلف بصعوبة خشنة وصوت احتكاك فالمشكلة في الغالب تكون في خشونة بلي الجيربوكس.
نصائح هامة للمحافظة على الجيربوكس
- عدم التحميل الزائد للغسالة: وضع ملابس بوزن أكبر من السعة المحددة للغسالة يمثل ضغطاً هائلاً على الجيربوكس والتروس ويؤدي لكسرها سريعاً.
- معالجة تسريب المياه فوراً: لو ظهرت أي نقطة مياه تحت الغسالة، لا تهملها لأن وصول المياه لبيت البلي والجيربوكس هو السبب الأول للصدأ
- مستوى استواء الغسالة: تأكد دائماً أن الغسالة موضوعة على أرضية مستوية تماماً وغير مائلة، لأن الميل يسبب اهتزازاً عنيفاً أثناء العصر يدمر الجيربوكس
أسباب ظهور كود (LE) على شاشة غسالة إل جي (LG)
دي أهم الأسباب والأعراض الحقيقية اللي بتخلي الكود ده ينور على الشاشة:
- 1. تحميل الغسالة زيادة عن اللزوم : لو حاطط ملابس كتيرة جداً أو بطانية ثقيلة الغسالة بتتحط تحت ضغط عالي فالموتور (Inverter Direct Drive) بيوقف حماية لنفسه ويظهر لك كود LE عشان بيقولك الحمل ثقيل ومش هقدر ألف.
- 2. وجود قفش أو خشونة في البلي :لو البلي تالف وفيه صدى وخشونة، الحلة هتكون ثقيلة جداً وصعبة الحركة، فلما الموتور ييجي يلف بيواجه مقاومة عالية فيوقف ويدي إيرور LE فورا
- 3. مشكلة في كابلات أو توصيلات الموتور :أحياناً بسبب الاهتزاز العنيف، بيكون فيه سلك مهزوز أو فيشة مش واصلة كويس في كارتة الموتور الخلفية، وده بيخلي الكمبيوتر مش قادريقرا حركة الموتور صح فيطلع الخطأ.
- 4. تلف في كارتة الغسالة : بيكون العطل في الكارتة الرئيسية، وده بيخليها تدي إشارة خاطئة أو تفصل الموتور وتظهر الكود.
- 5. تلف في ملف الموتور : سوف تتوقع الغسالة عن الدوران ويظهر الكود
أسباب وجود مياه داخل الغسالة وهي مطفية
- 1. تلف (الصمام / Water Inlet Valve): صمام دخول المياه عبارة عن بلف كهربائي جواه جوانات مطاطية مسؤولة عن قفل الماية لو فيه ذرات رمل أو شوائب دخلت مع ماية الحنفية أو الجوان المطاطي نشف وتلف، البلف مش هيقفل محكم، فالماية هفضل تسرب وتنزل جوه الغسالة بطء وطول ما الحنفية مفتوحة.
- 2. ضغط المياه العالي في الحنفية:أحياناً بيكون ضغط المية في الماسورة قوي جداً ومع الوقت بيضغط على صمام المياه الضعيف أو التالف، فيضطر يفتح وينزل الماية جوه الحلة غصب عنه حتى لو الغسالة مطفية تماماً.
- 3. مشكلة في كارتة الغسالة :لو الكارتة فيها قفلة
- 4. خروج مياة من خرطوم الطرف داخل الغسالة
نصائح هامة جداً
- اقفل حنفية المياه بعد ما تخلص غسيل:
- تنظيف فلتر الصمام:
- تغيير الصمام التالف فوراً
أعراض تلف كارتة الغسالة (البوردة)
- 1. الغسالة مش منورة ولاشغالة :تتحقق لما تحط فيشة الغسالة في الحائط وتدوس على زر الباور (Power) وتلاقي مفيش أي لمبة نورت ولا صوت طالع كأن الغسالة مش واصلها كهرب أصلاً (وده غالباً بيكون عطل في “دائرة الباور” جوه الكارتة).
- 2. الغسالة تسحب مياه باستمرار من غير ما تقفل: لولقيت الغسالة تسحب ماية لوحدها من غير ما تختار أي برنامج أو تدوس تشغيل
- 3. البرنامج يهنج في نص الشغل أو يقف فجأة: تلاقي الغسالة بدأت تغسل طبيعي وفجأة وقفت في نص الوقت والمؤقت ثبت على دقيقة معينة ومش عايز يتحرك أو بتكرار عملية العصر أو السحب لوحدها من غير ما تكمل باقي البرنامج.
- 4. الأزرار مش بتستجيب : تدوس على زر التشغيل أو تختار برنامج معين وتلاقي الشاشة مش مبيّنة حاجة أو بتدوس على زر “غسيل” تلاقيه بينفذ أمر تاني خالص،
نصائح هامة جداً عشان تحافظ على كارتة الغسالة من التلف:
- ابعد الغسالة عن مصادر الماية المباشرة
- استخدام منظم كهرباء لو الكهرباء ضعيفة او قوية
- عدم غسيل الكارتة بالمياه أبداً
أعراض تلف شداد الغسالة الفوق أوتوماتيك
- 1. الغسالة بتغسل بس مش راضية تعصر خالص:ىلو الغسالة خلصت غسيل وجت تدخل في مرحلة العصر وتلاقي الموتور بيحاول يلف بس حلة العصر مش بتلف غالباً بسبب إن الشداد مش بيفك “الكلتش” أو مش بيشد السوستة صح عشان يعشق العصر.
- 2. سماع صوت طقطقة أو زنّة عالية من تحت الغسالة: لو سمعت صوت “زنّة” مستمرة أو صوت محاولات دائرية من تحت الغسالة أول ما تيجي تنقل من الغسيل للعصر، ده معناه إن تروس الشداد الداخلي مقفوشة أو الموتور الصغير بتاعه اتحرق ومش قادر يشد السلك.
- 3. سلك الشداد مقطوع أو مرتخي:لو بصيت تحت الغسالة ولقيت السلك المعدني بتاع الشداد مقطوع، أو مرخي ومش مشدود، الحلة هتفضل على وضع الغسيل علطول ومش هتحول لعصر أبداً.
- 4. الغسالة بتعصر وهي بتغسل:أحياناً العكس يحصل؛ تلاقي حلة الغسيل بتلف مع حلة العصر في نفس الوقت أثناء الغسيل، وده بيبقى بسبب إن الشداد ثابت على وضع العصر ومش راجع مكانه الطبيعي.
أسباب تسريب المياه من فلتر الغسالة الأوتوماتيك
- 1. عدم ربط الفلتر بطريقة محكمة: في الغالب بعد ما حد بينظف الفلتر ويطلع منه العملات المعدنية أو الشوائب بينسى يربط الغطاء فبيكون فيه سنة ميل أو عدم إحكام وده بيخلي الماية تندفع وتنزل بغزارة أول ما الغسالة تبدأ تصرف.
- 2. تلف أو تقطيع “الكاوتشة أو الجوان” الخاص بالفلتر:حوالين غطاء الفلتر فيه حلقة مطاطية (جوان) مسؤولة عن منع التسريب ومع كثرة الفك والتركيب الكاوتشة دي بتنشف تتقطع أو تكش فبتفقد مرونتها وتسمح للماية بتسريب من الجوانب.
- 3. وجود رواسب عالقة في سن الفلتر:أحياناً بيكون فيه بقايا وبر تراب أو ترسبات جيرية ناشفة على السن الداخلي لمكان الفلتر فلما تيجي تقفل الغطاء مبيقفلش في مكانه الصح ويسيب فراغ صغير ينزل ماية.
- 4. كسر في جسم الفلتر نفسه:لو الغطاء اتربط بعنف أو بقوة زيادة عن اللزوم ممكن يحصل شرخ أو كسر في ودي بتستدعي تغيير الفلتر بالكامل.
أعراض تلف تايمر الغسالة الأوتوماتيك
- 1. التايمر بيعلق في خطوة ومش بيتحرك للخطوة اللي بعدها: يعني تظبط الغسالة على الغسيل وتلاقيها شغالة في نفس الخطوة ومش عايزة تنقل لمرحلة الشطف أو العصر، والزراير واقفة مكانها، وغالباً ده بيكون بسبب تآكل التروس الداخلية للتايمر
- 2. عدم وصول كهرباء للموتور نهائياً:لو لفت مؤشر الت تايمر وسمعت التقطيعة الطبيعية لكن مفيش كهرباء واصلة للموتور أو الطلمبة فده معناه ان نقاط التلامس جوه التايمر محروقة أو مكسورة وفصلت الدائرة الكهربائية.
- 3. التايمر بيلف لوحده بصعوبة أو محشور:لو جيت تلف بكرة التايمر بإيدك ولقيتها بتلف بخشونة شديدة أو مقفوشة ومش راضية تتحرك، فده بيدل على كسر في ترس الحركة الداخلي.